Khmer Dictionary: នាឡិកា

Chuon Nath's Khmer-Khmer Dictionary Full Text Search

ដើរ ( កិ.កិរិយាសព្ទ )
សម្រេចឥរិយាបថ ១ ផ្សេងអំពីឥរិយាបថ ៣ គឺ ឈរ, អង្គុយ, ដេក, គឺលើកជើងឈានទៅ : ដើរទៅ, ដើរមក ។ កម្រើកដោយកម្លាំងផ្សេងៗ មានចំហាយក្ដៅជាដើម : គ្រឿងចក្រដើរ, ម៉ាស៊ីនដើរស្រួល, នាឡិកានេះដើររហ័សណាស់ ។ ប្រព្រឹត្តទៅ : ការរបស់យើងឥឡូវដើរស្រួលជាងពីដើម ។ កាន់ការដោយគ្រឿងដឹកនាំផ្សេងៗ : ដើរទូក, ដើរកប៉ាល់ ។ ទទួលភារៈដឹកនាំគ្រឿងផ្ទុក ឬមនុស្សអ្នកជិះទៅមក : ផ្លូវនុ៎ះមានរថយន្តដើរឥតអាក់ ។ ចែកឋាន (ស្លាប់) ក៏ហៅដើរបានដែរ (ពាក្យរាបសាសម្រាប់ប្រជាជនសាមញ្ញ) : បើតាមការសង្កេតមើល ដង្ហើមរបស់គាត់ ឃើញថាគាត់មុខជានឹងដើរ ក្នុងពេលឆាប់ៗ នេះហើយ ។ល។
ត្រីវិស័យ ( ន.នាមសព្ទ )
ប្រដាប់មួយប្រភេទ រង្វង់មុខស្រដៀងនឹងនាឡិកា មានទ្រនិចវិលចង្អុលទៅទិសខាងជើងជានិច្ចសម្រាប់អ្នកដំណើរប្រើមើលកុំឲ្យវង្វេងច្រឡំទិស : ត្រីវិស័យជាវត្ថុចាំបាច់សម្រាប់អ្នកធ្វើដំណើរតាមសមុទ្រ ឬ តាមតំបន់ដែលខ្លួនមិនធ្លាប់ស្គាល់ (ចិនជាអ្នកបង្កើតត្រីវិស័យនេះមុនគេ) ។ ហៅ ត្រីវិស័យ ដូច្នេះ ទំនងជាមកពីមានអាការដូចត្រីទេដឹង ? ព្រោះទ្រនិចសម្រាប់ចង្អុលទិសកាលណាគេចាប់កាន់ប៉ះត្រូវតួរបស់វា, វាតែងកម្រើករលាស់ញ័រៗ ដូចអាការត្រីបង្រះឬហែលទឹក ។
ទ្រនិច ( ន.នាមសព្ទ )
អវយវៈស្រួចមុតមានពិស ដែលមាននៅកន្ទុយសត្វសម្រាប់ទិច : ទ្រនិចឃ្មុំ, ទ្រនិចខ្ទួយ ។ ដែកឬអ្វីៗ ដែលមានសណ្ឋានស្រួចឆ្មារ ស្រដៀងនឹងទ្រនិចសត្វទាំងនោះ ក៏ហៅថា ទ្រនិច ដែរ : ទ្រនិចនាឡិកា, ទ្រនិចត្រីវិស័យ ។
ថ្ងៃ ( ន.នាមសព្ទ )
វេលាមានពន្លឺព្រះអាទិត្យប្រាដក ។ តាមហោរាសាស្ត្រ កំណត់វេលា ២៤ នាឡិកា គឺ ២៤ ម៉ោង រាប់ពីក្រោយវេលាអធ្រាត្រមកដល់ពាក់កណ្ដាលអធ្រាត្រវិញ (ជា ២៤ ម៉ោង) ហៅថា មួយថ្ងៃ; ហៅតាមពាក្យធម្មតាថា យប់មួយ ថ្ងៃមួយ ឬ មួយថ្ងៃមួយយប់ ។ ដួងអាទិត្យឬសូរ្យមណ្ឌលក៏ហៅ ថ្ងៃ ដែរ : ថ្ងៃអាទិត្យ, ថ្ងៃនេះ, ថ្ងៃស្អែក, ថ្ងៃខានស្អែក, ថ្ងៃត្រង់ ។ល។
ទៀង ( គុ.គុនសព្ទ )
(និច្ច, និច្ចំ; និត្យ) ដែលពិត, ប្រាកដ, មិនប្រែប្រួល, មិនល្អៀង, មិនឃ្លៀងឃ្លាត : សម្ដីទៀង ។ ប្រើជា កិ. វិ. ក៏បាន : នាឡិកានេះដើរទៀងណាស់ ។ ន. និព្វាន (ច្រើនប្រើតែខាង សំ. និង បា. ថា និច្ចំ) ។
- ទៀងតែនឹង និ. និបាតប្រាប់អនាគត “ប្រាកដជានឹង, មុខជានឹង” : ទៀងតែនឹងបាន មុខជាឬប្រាកដជានឹងបាន ។
- ទៀងត្រង់ ត្រង់ពិត, ពិតជាត្រង់ : ចិត្តទៀងត្រង់ ។
- ទៀងទាត់ ទៀងពិតឥតភ្លាត់ ។
- ទៀងទេរ ទេរ ឬជ្រេទៀងតាមប្រក្រតី តាមធម្មតា ។ (ព. កា.ពាក្យកាព្យ គឺពាក្យសម្រាប់ប្រើក្នុងកាព្យ) : អាទិត្យទៀងទេរ រាល់ថ្ងៃតែងបែរ ទៅទិសបស្ចិម សង្កេតមើលទៅ ឃើញដូចសន្សឹម រូបកាយឥតខ្លឹម ក៏ដូច្នេះដែរ ។
គាំង ( កិ.កិរិយាសព្ទ )
គាក់, អាក់, ងាស់ប្រព្រឹត្តទៅពុំបាន : គ្រឿងម៉ាស៊ីនគាំងមិនដើរ, នាឡិកាគាំងមិនដើរ ។ កិ. វិ. :
- យំគាំង, សើចគាំង, គឺយំ, សើចខ្លាំងលង់បាត់សូរ ។ គុ.
- រឹងគាំង គឺរឹងក្រទាំង ។
នាឡិកា ( ន.នាមសព្ទ )
(បា.; សំ. នាឌិកា) ឈ្មោះមាត្រាសម្រាប់វេលាចំនួន ៦០ នាទី គឺ ៦០ មីនុត (ហៅថា មួយនាឡិកា គឺមួយម៉ោង) ។ ប្រដាប់សម្រាប់ប្រើរាប់ម៉ោងនុ៎ះឯង ក៏ហៅ នាឡិកា ដែរ : នាឡិកាចងដៃ, នាឡិកាដក់, នាឡិកាព្យួរ, នាឡិការោទ៍ ។
នាទី ( ន.នាមសព្ទ )
(នាឌិ) នាឡិ ។ ឈ្មោះតម្រារាប់ពេលវេលាក្នុងចំនួន ៦០ នាឡិកា (៦០ មីនុត) : ម៉ោង ១២ និង ១០ នាទី គឺម៉ោង ១២ និង ១០ មីនុត ។ កន្លែងនីមួយៗមាន ព្រំចារឹកដែលគេបានកំណត់ស្រេចហើយ : នាទីដី, នាទីចម្ការ ។ មុខក្រសួង, មុខងារ, មុខការ :ធ្វើការតាមនាទីរបស់ខ្លួន, ធ្វើតាមនាទីដែលគេដាក់ឲ្យ ។
ប៉ោល ( ន.នាមសព្ទ )
កូនប្រយោល : ប៉ោលនាឡិកា, ប៉ោលស្ទង់ប្រយោល ។
ប៉ោលតោក ( ន.នាមសព្ទ )
ឈ្មោះសត្វស្លាបមួយប្រភេទ យំឮសូរ ប៉ោលតោកៗ ឬ ប៉ូលតូកៗ ។ ឈ្មោះនាឡិកាព្យួរមួយប្រភេទ មានរូបសត្វប៉ោលតោកបញ្ចេញក្បាលមកយំប្រាប់ម៉ោង ។

Next >>

Headley's Khmer-English Dictionary Full Text Search

នាឡិកា ( n ) [nieleʔkaa] - detail »
watch, clock; meter (e.g. water meter); hour

Headley's Khmer-English Dictionary Subentry Full Text Search

នាឡិកាចងដៃ [nieleʔkaa~nieliʔkaa cɑɑŋ day]
See:នាឡិកាដៃ
នាឡិកាដក់ [nieleʔkaa~nieliʔkaa dɑk]
pocket watch
នាឡិកាដៃ [nieleʔkaa~nieliʔkaa day]
wristwatch
នាឡិកាទឹក [nieleʔkaa~nieliʔkaa tɨk]
water meter
នាឡិកាប៉ោល [nieleʔkaa~nieliʔkaa paol]
pendulum clock
នាឡិកាព្យួរ [nieleʔkaa~nieliʔkaa pyuə]
wall clock
នាឡិការោទ៍ [nieleʔkaa~nieliʔkaa roo]
alarm clock
នាឡិកាលុត [nieleʔkaa~nieliʔkaa lut]
safety spring watch (watch that has the spring so designed that it will slip when wound to certain maximum tolerance to avoid breaking)
នាឡិកាលោតលេខ [nieleʔkaa~nieliʔkaa loot leek]
digital clock / watch
នាឡិកាល្បឿន [nieleʔkaa~nieliʔkaa lbɨǝn]
speedometer

Next 10 entries »