(ស្រីពោល)៖ ដោះលែងអូនឲ្យមានសេរីភាពទៅវិញទៅ ណ៎ាបងណ៎ា
ព្រោះថាពេលវេលា គង់តែជាឱសថទិព្វសម្រាប់ព្យាបាលរបួសដួងចិត្តបង ជាមិនខាន

១. (ប) តើបងខុសអ្វីបានស្រីសុំលែង (ស្រីពោល)មកពីជីវិតយើងមិនចុះសម្រុងនឹងគ្នាទេ!
(ប) ជាឆាកកំប្លែងឬជាក្ដីពិត (ស្រីពោល)បើផែនដីមិនវិលប្រហែលគួរឲ្យនៅសង្ស័យខ្លះ!
(ប) ប្រាថ្នាវិមានទ្រុងមាសឧក្រិដ្ឋ បំផ្លាញទ្រនំជីវិត
អូនអើយយើងស្ថិតក្នុងភពងងឹត។

២. (ប) តើខ្ញុំខុសអ្វីបានស្រីសុំលែង (ស្រីពោល)ទោះជាត្រូវឬក៏ល្អទាំងអស់ក៏ត្រូវតែបែកគ្នាដែរ!
(ប) ទោះស្រាស្រីល្បែងខ្ញុំឥតប្រព្រឹត្ត (ស្រីពោល)យី! បរិសុទ្ធដូចក្នុងប្រលោមលោកអ៊ីចឹងហ្ន៎!
(ប) បញ្ជាក់ក្ដីស្នេហ៍បរិសុទ្ធពិត គោរពសរសើរអាណិត
អង្វរថ្នមចិត្តមិនឲ្យមានហ្មង។

៣. (ប) រលកកំណាចមហាសមុទ្រ
ស្រែកសម្លុតលប់ស្នាមដានជើងតាមឆ្នេរខ្សាច់
ឯចិត្តប្រុសនៅតែកាត់មិនដាច់
ស្នេហ៍ឆ្នេរខ្សាច់សូមកុំដាច់មេត្តា។

៤. (ប) កុំសូមលែងប្ដីៗសូមអង្វរ (ស្រីពោល)ថាទេទៅហើយ ដាច់ខាតត្រូវតែទេ!
(ប) កុំធ្វើចិត្តថ្មសាហាវឫស្យា (ស្រីពោល)មិនមែនថ្មទេ គឺជាដែកថែបពិតៗណា៎!
(ប) បើប្ដីអូនថ្មីគេមិនករុណា វិលមកចិត្តធ្លាប់មេត្តា
ទ្រនំកំព្រាបើកទ្វារជានិច្ច។
បន្ទរៈ ៤

សូមជួយស្ដាប់ផង ថាតើជា "គឺជាដែកថែបពិតៗណា៎!" ឬ "គឺជាដែកថែបលត់ទឹកណា៎!"