១. ស្រណោះខែប្រាំងដងស្ទឹងសង្កែ
ស្រអែមមាសស្នេហ៍ងូតទឹកកម្សាន្ត
បងលួចមើលស្រីត្រូវមិត្តភក្កិច្រាន
ធ្វើម្តេចនឹងបានងូតទឹកជិតស្រី
ឱ ស្រអែម ឱ ស្រអែមមាសបង
ឱ ស្រអែម ដងស្ទឹងសង្កែ។

២. ទឹកហូរកាត់ខ្សាច់ដូចក្បាច់ចម្លាក់
ទឹកជ្រៅទឹករាក់បងលើកអូនបី
កុលាបដងស្ទឹងក្លិនខ្លួនថ្មីៗ
បងសូមចូលស្តីតាមច្បាប់តម្រា
ឱ ស្រអែម ឱ ស្រអែមមាសបង
ឱ ស្រអែម ដងស្ទឹងសង្កែ។

៣. បើសិនទឹកស្ទឹងរីងរឹងជាថ្ម
ឆ្លាក់រូបស្រីល្អទុកជាសញ្ញា
បុប្ផាដងស្ទឹងអូនកុំដោះសា
ចម្រៀងផ្កាស្លាច្រៀងសូមបេះហើយ
ឱ ស្រអែម ឱ ស្រអែមមាសបង
ឱ ស្រអែម ដងស្ទឹងសង្កែ។

៤. កំពង់វត្តវាលរសៀលគងភ្នំ
បុប្ផាក្រពុំសូមផ្ទឹមលើខ្នើយ
ទឹកហូរសន្សឹមខ្យល់បក់ប៉ើយៗ
បងចាំចម្លើយស្រអែមដងស្ទឹង
ឱ ស្រអែម ឱ ស្រអែមមាសបង
ឱ ស្រអែម ដងស្ទឹងសង្កែ។

បន្ទរ ៣.