Khmer Dictionary: ផ្នោះ

Chuon Nath's Khmer-Khmer Dictionary

ផ្នោះ ( ន.នាមសព្ទ )
ប្រដាប់ធ្វើដោយឈើខ្លឹម មានស្ពឺរមួលមួយគូវិលសង្កៀតគ្នា សម្រាប់បោះកប្បាស : ផ្នោះកប្បាស; រមួលដូចស្ពឺផ្នោះ ។ ពាក្យបណ្ដៅបុរាណថា អាសៃហៀរ អាសៃហៃ ចាប់បានដៃ អាសៃហៀរ ស៊ីសាច់ខ្ជាក់គ្រាប់ កន្សែងទ្រាប់ កញ្ជើត្រង ខ្ជាក់ច្រើនដង អាសៃហើយ (តើហ្នឹងជាអ្វី ? -ផ្នោះបោះកប្បាស ។ ថាហ្នឹងត្រូវហើយ !) ។
ផ្នោះក្រាន ( ន.នាមសព្ទ )
អវយវៈសត្វចតុប្បាទត្រង់ខាងចុងគល់ភ្លៅ គឺត្រង់ប៉ែកខាងលើបំផុតនៃជើងក្រោយទាំងពីរ មានសណ្ឋានស្រដៀងនឹងទ្រង់ទ្រាយនៃផ្នោះចង្ក្រាន : ផ្នោះក្រានគោ, ផ្នោះក្រានក្របី ។ ឈ្មោះចំណាប់ដែលអ្នកមួយនៅពីខាងក្រោយខ្នង លូកដៃទាំងពីរចាប់ដៃទាំងពីររបស់អ្នកមួយស៊កព័ទ្ធប្រទាស់ដៃនឹងដៃ ហាក់ដូចជាគេបោះផ្នោះចង្ក្រានឲ្យមាំរឹងរើមិនរួច : បោះផ្នោះក្រានជាប់ ឬ ចាប់បោះផ្នោះក្រានជាប់ ។ កិ. ចាប់ជាប់ដោយចំណាប់មាំដែលហៅថា ផ្នោះក្រាន ។
ផ្នោះក្រាន ( ន.នាមសព្ទ ) or ផ្នោះចង្ក្រាន
ឈើ ៤ កំណាត់ដែលផ្គុំចុងភ្ជាប់គ្នាទាំង ៤ ជ្រុងធ្វើជាក្របឬជារបាំងរាំងគំនរដីដែលលើកធ្វើជាចង្ក្រាន : បោះផ្នោះចង្ក្រាន ។

Headley's Khmer-English Dictionary

ផ្នោះ ( n ) [pnɑh] - detail »
device for cleaning cotton; cotton gin
ផ្នោះ [pnɑh] - detail »
(a) n upper part of an animal's thigh, pelvis (b) n method of tying or fastening someone's hands behind his back.

Reference: ផ្នោះក្រាន
ផ្នោះ ( v ) [pnɑh] - detail »
to tie tightly with the hands behind the back (c) = ផ្នោះចង្ក្រាន